خربشات ... أحلامي 1

مقودة متحققش حلمك، و لي كنتي باغي تعيشو، و مقودة تعرف بلي عمرك غادي تعيشو ولو تنطبق السماء مع الأرض، مقودة إعرف شخص آخر الحلم ديالك، و إجي إستهزء بيك و ب حلمك.
و بلا متگول ليا خيرها ف غيرها، ولا حط Plan B ، ديك الهدرة طلعات ليا فكري، غير خليها عندك ولا سير نعس بيه شي حولي من الحوالة لي كتعرف.
حلم ضاع و بغا غير الخيال لي كنحاول نعيشو فيه، ما غاجيش نكون كذبت إلى گالت بلي كنفضل الموت على نعيش بلا داك الحلم، الحمد الحمد لله على كل حال.
نهار تحلم و تبغي تحققو، سكت و طمر و ما تگولها لتا شي قود، نصيحة لي عمرك تنساها، تا شيحد ما بغا ليك الخير، و تا شيحد ما بغاك تكون فرحان، المغاربة شعب مريض فالعقلية ديالو، لعفووو ...

النفاق العائلي (جوج سطور)

النفاق ف بلادي صوبا، كاين النفاق الإجتماعي، السياسي و غيرهم، و كاين داك لي كنسميه النفاق العائلي، كنكره زامل بوه، كتجمع العائلة ف شي مناسبة و كيولي إلزمي عليك تحضر، كدير لخاطر و كتجي تقنت مع الدوك الناس، و كيجي بنادم إسلم عليك: "أهلا بخير أش خبارك توحشناك"، توحشتني أولد القحبة، إقدر بانت ليه كنرضع صبعي، ولا مكتوبة ف جبهتي حماااار. 

كدوز مدة و تجي وقت أسئلة أو نسميوها تحقيقات، كيشوف فين وصلتي فحياتك، واش مقودة عليك باش إفرحو، ولا راك زاهي باش إتصدمو، نتا كتكون موجد لهاد المناسبات، و كتجوب أشوبة مغلفة بالتواضع، و فخاطرك كتگول: " أرفدو أولاد القحاب"، عاشت هاد اللحظات بزااف، لدرجة كتجني أفضل حاجة فداك meeting، كتسالي و تخرج تقود و تخلي بنادم لمريض إفقص فكرو.

الذكريات (لبغوو و ما جاوره)

لبارح كنت ف buvette، و شفتها مع واحد دري داير نظاظر، و گالسا حداه، معرفتش واش كيحاول إقنعها بشيحاجة ولا معرفت، و هي كل أذانها صاغية، هههه الغيرة بنت القحبة دارت خدمتها و زيرات ليا سدري و خلتني نتلف و نحاول نرد بالي للتحركاتي و كيفاش كنتمشا و كيفاش كناكل، تلفت و تجليت، محمد و نزهة كيتمازحو معايا و ما على بالهم بوالو لي جاري ليا، حسين لملقب بالحوس كيخشي فوجهو و كيضحك، مقود تبغي شي وحدة و تكون مغيار بزايد.

غادي نگولها بصراحة، كنت و مزال كنحب بنت لي خليتها ليا للزواج، بنت ثقة و و و... من بعد ما شفتها مع داك خونا كرها زامل بوها و مزال كنبغيها هههه تناقض وي وي جو سي

شلا بوكو ذكريات كترجع، شلا بوكو وعود كتبان، شلا بوكو أحلام كنتفكرها، كتحاول تگلب 9  6 و دير بحال إلى ما طرا والو، حيث أصلا ما طرا والو، كتكمل داك الخير لي قدامك و تزيد مع الطريق و تگول الله إنعل زامل بوها هاد لافاك لي لقتني بيك.

الوعود ( جوج سطور و نمشي نعس )

دير ف بالك أخي القارئ أن أسهل حاجة إعطيها ليك الكائن المغربي هي الوعد، حيث مغاديش إوفي بيه ولا گاع إعقل عليه، إلى جينا نحللو هاد القضية غادي نرجع الماضي و نشوف علاقة الواليدين بالوعودي لي غير كتشار ف السما و حنا كنتلقفها على أمل تحقق و إوفيو بها.

99% من المغاربة وعدو ولادهم ب "بيكالا" إلى نجحوو فدراستم- أنا واحد من دوك لولاد - أش شفنا ؟ ضباب و شوية د الحزاق ههه.

حاول أخي أو أختي تحتارم دوك الوعووود و عطيها قيمة و حافظ عليها، و رد بالك، إلى كنتي فرحان متشتتش فيهم حيث من بعد غادي تندم و كون أكييييد منها.

مرحبا

أفين... بخير ؟؟

هدشي لي جابك الله تقراه هنا، غير تخربيقات د واحد خونا مغربي حشاك، عزيز عليه إخوي همو ف كلافيي، هاد خونا مزال كيقرا واخا ما مقتانعش بداكشي لي كيدير، حيث ف نظرو مكاينش بديل، حلم لي كان عندو ضاع خمس سنين قبل، شدك فضول أ جمي، بغيتي تعرف أشنو هو هاد الحلم ؟ خليها تاتجي فوقتها و إن شاء الله تعرف.

العام الثاني ف الماستر و مزال أمنيتو إخوي المغرب و إقود و إعيش بوحدو، بيت و طواليت بركة، من بعد الحلم الأول لي ضاع، خونا حط حلم بديل أو مشروع جديد لي هو إشد دكتوراه ف العلوم الرياضية، محدك كتقرا، بغيت نگوليك الرياضيات مقودة و زوينة غير خصك تعطيها الخاطر و تفهمها و من تم تقدر تلعب بها، مكنقصدش 1+1=69 .. زير معايا...

نحبس هنا .. سير تقودووو .. أبيان طوو